O Aparato Circulatorio

É o encargado de transportar as substancias mediante o sangue, que circula polos vasos sanguíneos impulsada polo corazón. Así, leva ata as células os nutrientes obtidos na dixestión e o osíxeno (O₂) obtido na respiración, e ata os órganos excretores os produtos de refugallo resultantes da actividade celular.

O Sangue

O sangue é un líquido viscoso de cor vermella e sabor lixeiramente salgado composto por:

• Plasma Sanguíneo
• Células Sanguíneas

Funcións do Sangue

• Transporte de substancias
• Regula a temperatura corporal
• Defensa do organismo

Plasma Sanguíneo

Representa o 55 % do volume sanguíneo. É un líquido de cor amarela composto por:

• Auga: 90%
• Proteínas: 7%
  • Albúminas: función de reserva alimenticia
  • Globulinas ou anticorpos: función de defensa do organismo
  • Fibrinóxeno: intervén na coagulación.
• Glicosa: 1%
• Outras substancias: CO₂, sales minerais…

Células Sanguíneas

Son de tres tipos:

1. Glóbulos Vermellos ou Eritrocitos: Células pequenas, sen núcleo. Son as máis abundantes (4,5 – 5 millóns por mm³). Conteñen hemoglobina, unha proteína que intervén no transporte de gases (O₂ e CO₂).
2. Glóbulos Brancos ou Leucocitos: Células máis grandes e menos numerosas (7000 por mm³). Interveñen na defensa do organismo fronte a patóxenos e células tumorais. Hainos de diferentes tipos.
3. Plaquetas: Son fragmentos de células. Hai unhas 300.000 por mm³. Interveñen na coagulación sanguínea.

Os Vasos Sanguíneos

(Este apartado describe as estruturas tubulares por onde circula o sangue.)

O Corazón

É o órgano encargado de impulsar o sangue a través dos vasos sanguíneos. É un órgano musculoso situado na caixa torácica.

Anatomía do Corazón

O corazón está dividido en dúas metades: dereita (sangue sen O₂) e esquerda (sangue rica en O₂) por un tabique lonxitudinal. Á súa vez, cada metade está dividida en dúas cavidades:

• Aurículas ou Cavidades Superiores: Desembocan as veas pulmonares (procedentes do corazón) na aurícula esquerda, e as veas cavas na aurícula dereita.
• Ventrículos ou Cavidades Inferiores: Comunican coas aurículas a través dunhas válvulas que impiden o retroceso do sangue.
  • A válvula tricúspide separa aurícula e ventrículo dereito.
  • A válvula mitral separa aurícula e ventrículo esquerdo.
  Do ventrículo dereito sae a arteria pulmonar que leva o sangue aos pulmóns para realizar o intercambio gasoso e a arteria aorta do esquerdo, que distribúe o sangue con osíxeno por todo o organismo. Estas grandes arterias presentan unhas válvulas semilunares (aórtica e pulmonar) que impiden que o sangue retroceda.

Ciclo Cardíaco

O tecido muscular do corazón (miocardio) permítelle contraerse e dilatarse para bombear o sangue.

A secuencia destes movementos de contracción (sístole) e relaxación (diástole) chámase ciclo cardíaco. Durante o ciclo, o sangue entra no corazón polas veas e sae del polas arterias, polo que o sangue segue o seguinte percorrido:

VEAS → AURÍCULAS → VENTRÍCULOS → ARTERIAS

O Ciclo consta das seguintes etapas:

1. Diástole: Dá comezo ao ciclo. As aurículas reláxanse e expándense e o sangue entra nelas a través das veas cavas e pulmonares.
2. Sístole Auricular: As aurículas contráense e o sangue pasa aos ventrículos a través das válvulas auriculo-ventriculares que se pechan para impedir o retroceso do sangue (1º ruído cardíaco).
3. Sístole Ventricular: Os ventrículos contráense e o sangue é impulsado polas arterias a través das válvulas semilunares (pulmonar e aórtica) que se pechan para impedir o retroceso do sangue (2º ruído cardíaco).

Circulación Sanguínea

É o percorrido que realiza o sangue polo aparato circulatorio impulsada polo corazón.

A circulación humana é:

• Dobre: Nun percorrido completo pasa dúas veces polo corazón, é dicir, percorre dous circuítos:
  • Circuíto pulmonar ou menor: Establécese entre o corazón e os pulmóns.
  • Circuíto xeral ou maior: Establécese entre o corazón e os diferentes órganos do corpo.
• Pechada: O sangue circula sempre polo interior dos vasos sanguíneos.
• Completa: Porque o sangue rico en O₂ e o rico en CO₂ non se mesturan.

Sistema Linfático

O intercambio de substancias entre o aparato circulatorio e as células non se realiza directamente porque capilares e células non están en contacto directo. Entre elas existe un líquido, o plasma intersticial, no que os capilares verten os nutrientes e O₂ que pasan así ás células, e estas verten nel as substancias de refugallo que logo pasan aos capilares.

A composición do plasma debe ser constante, e disto encárgase o sistema linfático que transporta a linfa (líquido de cor clara que se forma a partir do plasma intersticial).

O sistema linfático é o encargado de recoller o exceso de plasma intersticial e de devolvelo ao sangue. Ademais, transporta graxas que se absorben no intestino e colabora na defensa do organismo (fabrica glóbulos brancos).

Este sistema está constituído por:

• Vasos Linfáticos: Resultan da unión dos capilares linfáticos e desembocan nas veas.
• Gánglios: Engrosamentos que se atopan ao longo dos vasos linfáticos. Neles fabrícanse os glóbulos brancos. Abundan en axilas, inguas e pescozo.

Aparato Excretor

Excreción

Consiste na eliminación das substancias de refugallo procedentes do metabolismo celular. Nesta función interveñen numerosos órganos e aparatos.

O aparato excretor está formado por:

• Riles
• Vías Urinarias: Levan os ouriños desde os riles ata o exterior. Son:
  • Uréteres
  • Vexiga
  • Uretra